MBATHI 70 - 94

  ĨW'AI MBATHI ISU NTHEU (Hark what means) 1. Ĩw'ai mbathi isu ntheu,  Ikwinwa ku ĩtunĩ; Alaĩka makĩkatha,  Makyasya alelũya.  2. Ĩw'ai ũvoo wa ũseng'ya,  Atĩ Yesũ nũsyaiwe,  Mũsyĩ wa Vethilemu,  Ndaĩa kwa Ngai wa ĩtunĩ.  3. Mũuo kũũ nthĩ na ĩtunĩ,  Andũnĩ ala make; Ngoo syonthe itane mũno,  Nũndũ Yesũ nũsyaiwe.  4. Klĩsto nũsyaiwe ũmũnthĩ,  Ĩũlũ wa nthĩ nakathwe; Nake Ngai nĩwatwathie,  Mũthembi na Mũsumbĩ.  5. Tũthaithei na ngoo ntheu,  Tũsũng'ũkye syĩtwa yĩĩ; Mũvaka tũvike ĩtunĩ,  Twĩkalae na Ngai waitũ.  6. Twĩmanyĩsyei ũvoo ũũ,  Wa kũsyawa Mwovosya; Tavany'ai ũvoo wake,  Ũtũngane nthĩ yonthe.  (Amen)

  ALAĨKA NAMO (The first Nowel the angel did say) 1. Alaĩka nĩmo maetie ũvoo,  Kwa aĩthi ma indo me kũũ weũnĩ; Mamĩmĩte ũtukũ masũvĩĩte indo,  Ũtukũ ũsu waĩ na mbevo nene mũno.  Mũuo, mũuo kũũ nthĩ kwonthe; Yesũ nũsyaiwe e Mũsumbĩ.  2. Masyaĩĩsye ĩũlũ, namo moona ndata Ĩkĩtisa na kyeni kyayo kĩnene,  Ũtheu wa ndata wamulĩkĩte nthĩ; Yatĩsaa kwĩ mũthenya o na ũtukũ.  3. Andũ oĩ atatũ mavikĩle ndata,  Mamwonie Yesũ na mamũthaitha; Mathembie nthembo syoo ila makuĩte,  Nĩsyo thaavũ, ũvani na manemane.  (Amen)

  NDATA NENE NDATA NTHEU (The great star) 1. Ndata nene ndata ntheu yatongoesye andũ oĩ; Yamonisye vala wasyaĩwe Mũsumbĩ,  Andũ oĩ mavikĩla kyeni kya ndata,  Mamanye mũsyĩ ũla Yesũ Klĩsto ũsyaĩwe.  2. Mamĩatĩĩa ndata nũndũ wa kyeni kyayo; Mũsumbĩ amatavya mamũetee ũvoo,  Nĩ kana nake aende akakathaithe; Nake eendaa kũthi kũaa kana kau katheu.  3. Ndata yathi yaũngama vala wasyaĩwe,  Menama mbee wa kaũkenge mamũkatha Ngai; Mathasya mĩio yoo makane mĩthĩnzĩo,  Matavya nyinyĩa na ĩthe ũndũ moonie ndata.  4. Andu matavw'a nĩ Mũlaĩka wa Mwĩaĩi; Matĩkathi kwa Elote mathi na nzĩa ingĩ,  Meanĩsya mwĩao ũla Mũlaĩka waneenie,  Elote ameteela na ndaamona ĩngĩ.  5. Etĩkĩli ta ũũ twĩthĩwe ta andũ oĩ,  Tũkĩsyaĩĩsya ũvoo wa ĩ'syawa yake,  Twĩsĩ ũla wasyaiwe nĩ Mũtangĩĩi wa andũ,  Tũmamanyĩsye angĩ moke mose wovosyo.  (Amen)

  MŨYŨKEI KWA YESŨ (O come all ye faithful) 1. Mũyũkei kwa Yesũ; Ũkai tũkamũkathei,  Ũmũnthĩ, ũmũnthĩ nũsyaiwe; Mũtangĩĩi kũya Mbethelemu.  Ĩĩ, tũmũkathei ũsu,  Ĩĩ, tũmũtaĩei nesa,  Ĩĩ, tũmũvoyei Yesũ,  Mwovosya waitũ.  2. Mũsumbĩ nĩ ũsu,  Nĩ mwene vinya w'onthe,  Nĩ mwana wa Ngai, ũla wũkĩte kũũ: Nĩ Yesũ wũkie kenda atũtangĩĩe.  Ĩĩ, tũmũkathei ũsu,  Ĩĩ, tũmũtaĩei nesa,  Ĩĩ, tũmũvoyei Yesũ,  Mwovosya waitũ.  3. Tũtaĩei Ngai mũno,  Nĩwatũnenga Yesũ,  Na ndeto twathĩtwe nĩsyatwĩka w'o; Nĩwe ũkakua mavĩtyo maitũ onthe.  Ĩĩ, tũmũkathei ũsu,  Ĩĩ, tũmũtaĩei nesa,  Ĩĩ, tũmũvoyei Yesũ,  Mwovosya waitũ.  (Amen)

   NĨWATIIE ŨSUMBĨ (Thou didst leave thy throne) 1. Nĩwatiie ũsumbĩ waku ĩũlũ,  Nĩwatheeie kũũ nthĩ vala nĩĩ,  Ĩndĩ ĩsyawanĩ yaku ndwaaona ũthei,  Ate kyengonĩ kya indo.  Ĩndĩ ũka kwakwa, Yesũ,  Ve ũthei ngoonĩ yakwa waku; Ĩĩ, ũka ngoonĩ yakwa yu: Ngoo yakwa yĩ ũthei waku .  2. Mbĩwa syĩ wĩkalo, na nyũnyi ndala syasyo Syĩ ngũnganĩ na mĩtĩnĩ; Ĩndĩ maũthũmũo maku maĩ ĩũlũ wa nthĩ,  Maweũnĩ ma Ngalilii.  3. Nĩwookie kwa maku na ndeto syĩ na thaũ Sya kwavĩtya onthe wathenĩ; Ĩndĩ mailea ndeto, na ũndũ mĩkwa yoo Nĩmakwambie mũtĩnĩ 4. Kyathĩ kyaku kyavika kũsyoka kũũ nthĩ,  Yĩla wĩĩsĩa ala maku,  Ngeethukĩĩsya na mũyo, o yĩla wĩmbĩta,  Wasya, kũũ kwĩ ũthei waku.  5. Na ngeew'a nesa ngoonĩ,  Ũimbĩta nyie nũke kwaku,  Ĩĩ ngakũtaĩa nesa mbee,  Noona ũthei kũu kwaku.  (Amen)

  NGAI NĨWANENGANIE MWANA (He was not willing) 1. Ngai nĩwanenganie Mwana wake,  Kana atangĩĩe andũ onthe: Yesũ atheeie kũkũ andũnĩ Ooka asyawa kũu Mbethelemu.  Mũthenya mũnene? Yesũ ookie,  Nĩwe Mũsumbĩ w'o wa kũũ kw'onthe! Ala anene na ala anini Nĩmaendie kũmũthaitha.  2. Yesũ ekalany'a kũũ nthĩ na andũ Oonie thĩna o na monyamao; Ookie kũmantha ala maaĩte Amavonokya silanĩ wa Ngai.  Mũthenya mũnene ! Yesũ asyawa Kana atwonye ĩ nzĩa ya Ngai; Ĩndĩ alewa nĩ nthĩ ĩla yake,  N'akw'a ngelany'onĩ Mwana wa Ngai.  3. Veva Mũtheu atwony'e ũmũnthĩ,  Yesu asyaiwe nũndũ witũ: Nĩwe Mũthĩnzĩo ũla mũseo,  Nĩtũnengetwe nĩ Asa waitũ.  Mũthenya mũnene Yesũ nĩ mũku,  Tanai i ngoo syenyũ nũndũ wa ũu.  Ũla ũkwĩw'a yu, nĩose Yesũ,  Amwĩtĩkĩle, anengwe thayũ.  (Amen)

  AĨTHI MAKĨSYAĨĨSYA (While shepherds watch) 1. Aĩthi makĩsyaĩĩsya Ũtukũ indo syoo,  Mũlaĩka atheeie.  Na ũtheu mũnene.  2. Aĩthi makĩa mũno Mũlaĩka asy'atĩĩ,  Namũetee ũvoo ũũ,  Ũmwĩw'ĩthye mũyo.  3. Ũla mũsyĩ wa Ndaviti Mũnthĩ ũũ kwasyawa,  Mũtũtangĩĩi Yesũ Klĩsto,  We ũla twathiwe.  4. Mwana ũsu wa ĩtunĩ,  Nĩmũkamwĩthĩa Amamĩtw'e nza ya ng'ombe,  Nũndũ nde ũmamo.  5. Mũlaĩka aneena ũu,  Vooka nguthu nene,  Ĩkina wathi mweũ Na ũtanu mwingĩ.  6. Nguma nĩ ya Ngai ĩũlũ,  Na nthĩ ya mũuo mwingĩ; Na andũnĩ veth'we ũvoo Tene na tene.  (Amen)

  ŨMŨNTHĨ NĨKŨSYAIWE YESŨ (The prince of peace) 1. Ũmũnthĩ nĩkũsyaiwe Yesũ, Mwana wa Ngai Nake nĩwe mũtũtangĩĩi, mwene vinya w'onthe.  Ũmũnthĩ nĩkũsyaiwe Yesũ Mũtũtangĩĩi.  2. Syĩtwa yake nĩwe Yesũ, Mũsumbĩ wa wendo; Nĩ Ngai wa kũtwovosya vyũ, tume ũthũkunĩ.  3. Nĩ mũsumbĩ , mũseo mbee wa kũtũsũvĩaa,  Nĩ wa kũtũnenga thayũ nũthwii wake w'onthe.  4. Ũmũnthĩ nĩwũkie nthĩ, Yesũ Mũtũtangĩĩi,  Kana atangĩĩie ithyĩ na nthakame yake.  (Amen)

  WUMĨLONĨ WA SYŨA (Gracious Spirit dwell with me) 1. Wumĩlonĩ wa syũa,  Nĩmanengiwe watho,  Nĩmamyonie ndata Na mamĩvikĩla,  Nĩ matanie mũno,  Yĩla monie ndata.  2. Matanie mũno mbee,  Kũmwona ũla mwana Vamwe na nyĩny'a wake,  Nyũmbanĩ ya ala ngya,  Makĩmũtulĩlya ndu,  Mamũthaithe mwĩaĩi 3. Mamũne mĩthĩnzĩo,  Ya syĩndũ ila nzeo Thaavu na manemane,  Ũvani na syĩndũ ingĩ,  Nũndũ we ũsu mwana ,  Aĩ Mwĩaĩi Yesũ.  4. Twĩkũvoya we Mwĩaĩi,  Yesu ũtũtongoesye,  Wĩthĩwe vamwe naitũ,  Tũkĩkũtulĩlya ndu,  Twĩthwe vamwe ithyonthe,  Ũtwambatye ĩtunĩ.  5. Ala me kũy'ĩtunĩ,  Mekalĩte kyeninĩ,  Vatiĩ vata wa syũa,  Kana kyeni kya ndata,  Kyeni kyaw'o nĩ Yesũ,  Nĩwe ũmulĩkĩte.  (Amen)

  KWAMEW'EI NĨMEKWINA ALAĨKA ĨTUNĨ (Hark the herald angels sing) 1. Kwa mew'ei nĩmekwina alaĩka ĩtunĩ,  Wathi wa mũyo mwingĩ wa wendo wa Mũtangĩĩi Kũkũ nthĩ kwĩna ũvoo kwa ala eki ma naĩ,  Ithyĩ naitũ na twinei vamwe n'ala atũmwa.  Kwa mew'ei nĩmekwina Alaĩka ĩtunĩ.  2. Nĩwe Mwĩaĩi waitũ na Ngai wa tene w'onthe,  Nĩwasyaiwe mũndũ nthĩnĩ wa mwĩĩtu Meli; Nĩwumie ngumani na akyũka ũkyanĩ,  Nĩ Mũtangĩĩi wa andũ kenda mo matikae.  3. Nĩwe Mũsumbĩ wa ũvoo aumie ĩtunĩ,  Nĩwe kyeni kya katĩ kĩla kĩũtũmulĩka; Nĩwumisye ũnene nũndũ wa wendo wake,  Enda kũtũvonokya na kũtũtangĩĩa ithyĩ.  4. Ũka mĩtũkĩ Mwĩaĩi nĩtũkwendete mũno,  Ũtũe naĩtũ Mwĩaĩi nĩtũkũemwa nĩ kaũ; Tumba kyongo kya nzoka na ĩla ndata yaku,  Na tũvwanane naku ũnengwe nguma kwitũ.  (Amen)

  NA KŨSYAWA KWA YESŨ (Home to the land above) 1. Na kũsyawa kwa Yesũ Klĩsto, kwailyĩ ũũ,  Yĩla nyinyĩa wake Malia, waasĩtw'e nĩ Yosevu.  Mwĩaĩi Mũsumbĩ,  Mwĩaĩi wa eaĩi Mũsumbĩ nĩwe Mwĩaĩi,  Wa eaĩi onthe.   2. Na matambĩte kũtwaana, ooneka e ĩvu,  Na Yosevu mũũme wake, ndaenda kũmũsonokya.  3. Yesũ asyaiwe Vethilemu, mĩthenya ya Elote,  Andũ oĩ amaendie kwona, Mũsumbĩ wa asumbĩ.  4. Yesũ yĩla waĩ mũnini, aĩ mwana mwĩwi mũno,  Nĩwamew'aa nyiny'a wake, na ĩthe wake Yosevu (Amen)

  ANDŨ ONTHE ŨKAI TŨTHI (O happy day) 1. Andũ onthe ũkai tũthi,  Kũla Yesũ ũsyaĩwe,  Tũtulye ndu tũthaithe,  Tũkĩmũnenga mĩthĩnzĩo.  Mũthenya mũnene,  Wa kũsyawa kwa mwovosya,  Kwĩ ũtanu ĩĩ na ngatho,  Kwa andũ onthe kũkũ nthĩ,  Mũthenya mũnene,  Wa kũsyawa kwa Mwovosya.   2. Ũtukũ ũla wasyaiwe,  Alaĩka maina wathi,  Wathi ũsu waĩ wa ndaĩa,  Alaĩka matavisye aĩthi.  3. Endai mũsyĩ wa Ndaviti,  Nĩvo wasyaĩwe Mũtangĩĩi,  Andũ oĩ nĩmoonie,  Ndata ĩla yaĩ nene.  (Amen)

  ŨMŨNTHĨ MWANA NŨSYAIWE (Come o come) 1. Ũmũnthĩ mwana nũsyaiwe Asyaiwe nũndũ witũ Mwana ũsu nĩwe Yesũ,  Mũsumbĩ wa nthĩ yonthe Ũmũnthĩ nĩtũkũtana,  Ngai nataĩwe,  Ũmũnthĩ nĩtũkũtana,  Ngai nataĩwe 2. Syĩtwa yake etawa atĩĩ,  Mwĩaĩi wa ũvoo,  Etawa Imanueli,  We Ngai vamwe na andũ.  3. Nĩwe mũsumbĩ mũseo,  We ndanyivaa e vinya,  Ũsumbĩ wake nĩ waw'o,  Na nĩ mũlũngalu ki.  4. Yesu nĩwe ũla mwana,  Tũmũkumyei ithyonthe,  Ena ũsumbĩ waw'o ki,  Na nĩ mwene kĩthito.  5. Ũmũnthĩ nĩwũkĩte kwitũ,  Ethĩwe vamwe naitũ,  Nĩ kana atangĩĩe andũ,  na kũmavosya vyũ.  (Amen)

  YESŨ KLĨSTO NŨSYAIWE ( Mine eyes have seen the glory) 1. Yesũ Klĩsto nũsyaiwe Vetheleemu wa Yutia Ĩvinda ya Mũsumbĩ ũla wetawa Elote,  Andũ oĩ maendie matongoew'e nĩ ndata,  Tũmũkathei Mwĩaĩi.  Yesũ Klĩsto nũsyaiwe,  Asyaĩwe Vetheleemu,  Vetheleemu ya Yutia,  Ũkai tũ mũkathei.  2. Ũmũnthĩ nĩ mũthenya wa ĩsyawa ya mwĩaĩi,  Etĩkĩli kũthĩna atũtangĩĩe ithyĩ,  Asyaĩwe nza ya ngombe athĩne ta mũndũ ngya,  Kana atũtangĩĩe.  3. Ũmũnthĩ nĩ mũthenya wa ĩsyawa ya mũtangĩĩi,  Na yĩla nyinya wake wevaĩtw'e nĩ Yosevu,  Matanamba kũtwaana onekie e na ĩvu,  Ya Veva Mũtheu.  4. Tũtanei nũtanu mwingĩ nũsyaiwe mwene tei,  Ũla waw'o nũsyaiwe tũmũkathei n'ũtanu,  Ekalĩte kĩvĩlanĩ kya mũsumbĩ wa asumbĩ Twinei na ũtanu.  (Amen)

  SISYA ĨVINDA YA MBEVO (Amid the winters snow) 1. Sisya ĩvinda ya mbevo,  Asyaiwe nũndũ witũ,  Sisya kalondu ka Ngai,  Kala twathiwe tene.  Taĩĩai mũthenya ũũ,  Taĩĩai ũtangĩĩo wa Ngai,  Twinei na ũtanu Yesũ nũsyaiwe Vethelemu.  2. Ngai amamĩte kwa indo,  Mũmbĩ wa ĩtu na nthĩ.  Ũla mũsumbĩ waitũ,  Ekalaa na alaĩka.  3. Neenai aĩthi ma indo,  Wĩvo ũvoo mũseo,  Nĩkĩ mwatia indo syenyu,  Weũnĩ kũndũ kũasa.  4. Ũtukũ twĩna indo,  Twonie kyeni kya ũseng'ya,  Alaĩka makina,  Twatavw'a ĩsyawa yake.  5. Kana kaa katheu Wendo wako ũtilyĩ ata? Kuma ũtanunĩ ũsu,  Tũkathi ĩtunĩ.  6. Tũmanyĩsye kaũkenge,  Kwa moko maku matheu Twony'e twĩkale taku,  Nthĩnĩ wa tei waku.  (Amen)

  NĨMWINĨA MŨTANGĨĨI (I will sing of my redeemer) 1. Nĩmwinĩa Mũtangĩĩi,  Nũndũ ambendie nyie,  Vu mũkelany'onĩ akw'a,  Anthasye mawathenĩ.  Nĩmwinĩa Mũtangĩĩi,  Nũndũ ambendie nyie,  Mũkelany'onĩ akwie,  Andekea naĩ syakwa.  2. Nĩngũtavanya Mũtangĩĩi,  Ũndũ natangĩiwe,  Neewĩw'e tei mũnene vyũ,  Nanengwa thayũ mana.  3. Nĩngũmũkatha Mũtangĩĩi,  Nũndũ wa vinya wake,  Ũla we wangwiĩe nyie,  Wa ũkĩlya naĩ na kĩkw'ũ.  4. Nĩmwinĩa Mũtangĩĩi,  nũndũ wa wendo wake,  Anumisye nĩ kĩkw'ũnĩ,  Mwana wa Ngai ũla waw'o (Amen)

  ALAĨKA MAĨTUNĨ (The angels from the reams) 1. Alaĩka ma ĩtunĩ,  Nĩmavikie kũũ nthĩ,  Nĩmatavanisye tene; Kũsyawa kwa Mwĩaĩi: Tũthaithe,  Tũthaithe,  Yesũ Klĩsto Mũsumbĩ,  2. Aĩthi meku weũnĩ,  Masyaĩĩsye indo syoo,  Ngai nĩwũkie andũnĩ; Sisyai kyeni kyake yu.  3. Nĩmataviw'e ũmũnthĩ,  Mũsyĩ wa vethelemu; Nĩmũsyaĩwe Mũtangĩĩi,  Na Mũsumbĩ wa Asumbĩ.  (Amen)

  WUMĨLONĨ WA SYŨA (As with gladness men of old) 1. Wumĩlonĩ wa syũa,  Mooka mate ũalyũko,  Nĩmamyonie ndata,  Nĩmamĩvikĩlile,  Nĩmatanie mũno,  Yĩla yoonekie,  2. Nĩmatanie ĩngĩ,  Mamwona ũsu Mwana,  Na nyinya kasũmbanĩ,  Nĩ kasũmba ka ũthĩni,  Na yĩla malikile,  Makĩmũthaitha.  3. Maumisye mĩthĩnzĩo Makĩmũtaĩa mũno,  O ta ũũ tũmumĩsye,  Ĩla yaitũ yĩ vata,  Nũndũ we ũsu Mwana,  Nĩ Yesũ Klĩsto Mwĩaĩi.  4. Twĩũvoya Mwĩaĩi,  Ũtũtongoesye; Twĩthĩwe vo naitũ,  Tũkũthaithe vo mũno,  Wĩthĩwe mũminĩo,  Kũtũtwaa ĩtunĩ.  (Amen)

   TENE MŨSYĨ WA NDAVITI (Once in royal David's city) 1. Tene mũsyĩ wa Ndaviti, Kasũmbanĩ ka indo,  Vokie kĩveti kĩkya, kĩkwete kaũkenge kakyo,  Meli nĩwe ũla nyinya, Yesũ kavĩsĩ kake kaseo 2. Yesũ kũya ĩũlũ ĩtunĩ, nĩwatiie ũsumbĩ,  Ona ndaanengwa ũthei, amamĩe na ngombe,  Okie ta mũndũ ngya, kũtũa naitũ kũũ nthĩ.  3. Yesũ yĩla waĩ mũnini, Aĩ mwana mwĩwi mũno,  Nĩwamwĩw'aa nyinya mũno, ĩla waĩ mũnini Kĩla mwana aĩlwe, kwĩthĩwa mwĩwi take.  4. Nayu Yesũ atw'ĩkie, ngelekany'o nzeo yaitũ Tondũ aĩ na mathĩna, mathĩna ala maitũ,  Kũtheka na kũĩa, aĩ na syonthe sitũ.  (Amen)

  YESŨ NĨWOOKIE VETHELEEMU (Jesus my Saviour to Bethlehem came) 1. Yesu nĩwookie Vetheleemu,  Asyaĩwe nza ya ng'ombe ta ngya,  Kwaĩ ũseng'yo kwatw'ĩkie ata? Aimantha nyie onyie.  Aimantha nyie onyie,  Aimantha nyie onyie,  Kwaĩ ũseng'yo kwatw'ĩkie ata? Aimantha nyie onyie.  2. Yesũ Mũndangĩĩi ku Kaivalĩ,  Nĩwaĩvie thiĩ anthasya,  Kwaĩ ũseng'yo kwatw'ĩkie ata? Aingwĩĩa nyie onyie.  Aingwĩĩa nyie onyie,  Aingwĩĩa nyie onyie,  Kwaĩ ũseng'yo kwatw'ĩkie ata? Aingwĩĩa nyie onyie.  3. Yesũ Mũndangĩĩi wa tene nayu,  Yĩla naĩ kũasa nĩmwove nĩ naĩ,  Kavola kwe'vinda nĩwambĩtie,  Ambĩta nyie onyie.  Aimbĩta nyie onyie,  Aimbĩta nyie onyie,  Kavola kwe'vinda nĩwambĩtie,  Ambĩta nyie onyie.  4. Yesũ Mũndangĩĩi nũkoka ĩngĩ,  Watho wake nũkeanĩw'a vyũ,  Nĩngamwona ĩũlũ yayayanĩ,  Aimbĩta nyie onyie.  Aimbĩsĩa nyie onyie,  Aimbĩsĩa nyie onyie,  Nĩngamwona ĩũlũ yayayanĩ,...

  TANAI MŨNO ANDŨ ONTHE (Joy to the world) 1. Tanai mũno andũ onthe Yesũ nũsyaiwe Mũmanthĩei ũthei alike ngoonĩ syenyu,  Ame ĩtunĩ o na nthĩ mũmwinĩei Mwĩaĩi,  Nũsyaiwe Mwana wa Ngai Mũtũtangĩĩi.  2. Tũmwinĩei Mũtũtangĩĩi tũmwinĩei mũno,  Aĩthi o na aĩmi iĩmanĩ na ndiĩnĩ,  Tũmwinĩei Mwĩaĩi tũmwinĩei n'otanu,  Nũsyaiwe Mwana wa Ngai Mũtũtangĩĩi.  3. Nĩ mũsumbĩ mũnene mbee ũkĩlĩte onthe,  Ndaĩa yake nĩyo nene ausũĩte ũtanu,  Ena wendo Mwĩaĩi ena wendo mũnene; Nũsyaiwe Mwana wa Ngai Mũtũtangĩĩi.  (Amen)

  YESŨ MWANA WA NGAI (Away in a manger) 1. Yesũ Mwana wa Ngai nĩwasyaiwe,  O vala indo inengeawe lĩu,  Na alaĩka nĩmatavanisye; Ũsumbĩ wa Klĩsto Mũtangĩĩi waitũ.  2. Ndata ya ĩtunĩ nĩyonekie Na nĩyamatongoesye andũ oĩ; Kũvika vala kana kamamĩtwe; Na mavota nyũmba kũkathaitha.  3. Yesũ Klĩsto nĩngwĩnengane kwaku,  Osa thayũ wakwa ndongoesye,  Nzĩanĩ syaku syonthe nĩ kũkũ nthĩ; N'imbikya ĩtunĩ kwaku na mũyo.  (Amen)

  ETĨKĨLI ALA MENA ŨTANU (Christian awake, salute the happy morning) 1. Etĩkĩli ala mena ũtanu,  Ũmũnthĩ ũkĩlai na mĩtũkĩ; Yesũ Mũtangĩĩi wa nthĩ yonthe.  Nũsyaiwe Mwana wa Ngai waitũ Kĩmbithĩ kya wendo kĩnyaĩkwe,  Andũ onthe nĩmamũsũng'ũkye.  2. Nĩ mũlaĩka watavanisye,  Ũla waetie ndeto syake; Kwa andũ ala mai weũnĩ,  Kwonany'a wendo wa Ngai mũnene: Mũlaĩka nĩwamatavisye.  Nĩnamũetee ũvoo mũseo.  3. Ũmũnthĩ Ngai nĩweanĩsya,  Watho wake kwa andũ onthe; Mũtangĩĩi wa andũ nũsyaiwe,  We ũsu watavaniw'e,  Ũvoo mũseo wa andũ onthe.  Kwa mbaĩ syonthe sya nthĩ.  4. Kavinda kau alaĩka aingĩ,  Me vamwe na masoo maingĩ; Makina mbathi syoo sya wendo,  Nĩ wendo ũsu wĩna wovosya: Ndaĩa ya Ngai wĩ ĩũlũ,  Na kwa andũ kwĩthĩwe nguma.  (Amen)

  ŨTUKŨ MWEŨ NDATA ĨKĨTISA VYŨ (O holy night) 1. Ũtukũ mweũ ndata ĩkĩtisa vyũ Sya ĩsyawa ya Mwĩaĩi Yesũ,  Na nthĩ yonthe yavwĩkĩtwe nĩ naĩ vyũ; Nĩwe wookie kũtangĩĩa nthĩ,  Nĩwe wĩkwatyo waw'o twĩkwatĩtye,  Yĩla kwakyee kwaĩ ũtanu wo: Inywĩ tulyai ndu, mwĩw'e wasya wa alaĩka,  Ũtukũ mũtheu ũla Yesũ wasyaiwe.  Ũtukũ mũtheu ũla wasyaiwe.  2. Atwonisye kwendana ithyonthe vyũ,  Mwĩao wake ũ wa mbee nĩ wendo; We akaananga wĩa wa satani,  Vinya wake ũkaananga wonthe,  Tũkamwinĩa mbathi ii sya ndaĩa,  Tũmwinĩe we Yesũ mũsumbĩ.  Nĩwe mũsumbĩ w'o nĩwĩsĩ mavata maitũ; Mũsumbĩ nĩ Yesũ nĩwĩsĩ mavata maitũ.  Musumbĩ nĩ Yesu nĩwĩsĩ mavata maitũ.  3. Tũmũkathei Mwana ũsu wa ũsumbĩnĩ,  Tũmũkathei kwa meko maĩtu onthe.  Nake nĩwookie kũtwovosya ithyĩ; Nĩ kana tũmũmanye Ngai asa,  Nĩwe kyeni kĩmulĩkĩte andũ onthe.  Nĩwe kyeni kĩla kĩkenete; Nĩw'o tũmũkathei ĩĩ tũmũkathei ithyonthe,  Nĩw'o tũmũkathei nĩ mwovosya...

AKLĨSTO ASEO TANAI NA NGOO (Good christian men) 1. Aklĩsto aseo tanai ngoo Mathayũ menyu mũtaĩei Ngai; Mũtaĩei mũkyasya atĩĩ ũvoo,  Klĩsto nũsyaiwe ũmũnthĩ; Mang'oĩ na Ng'ombe syonthe Nĩsyĩũtulya ndu syoo.  Asyaiwe kwa ng'ombe nũsyaiwe Yesu 2. Aklĩsto maw'o tanai ngoo Mathayũ menyu mũtaĩei Ngai; Ithyĩ yu nĩtũtanaa mũno.  Yesũ Klĩsto nũsyaiwe,  Avingũa mũomo ĩtunĩ,  Na andũ nĩaathime,  Klĩsto asyaiwe ũũ atũtangĩĩe 3. Aklĩsto maw'o tanai ngoo,  Mathayũ mũmanengei Ngai Kũũ yu kwĩna mũuo mũuo,  Nũndũ wake mũtangĩĩi; Etwĩta tũke kwake,  Mũsyĩ tũke kwake.  Mũsyĩ wa ũtanu mwingĩ; Ookie atũvonokye twĩthĩwe thayũ.                                                                            (Amen)